Yon sèl randevou: randevou bò tab la   FANMI LAVALAS Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

15 juillet 2010

‘‘Prezidan TITID
Pep ayisien ap tann ou e lap di w :
Bon FET ‘’

Yap mande toupatou poukisa pèp ayisyen rete kole nan Prezidan Titid konsa, gen moun ki menm di sa nap fè a jodi a se kilt pèsonalite, Fanmi Lavalas di « Prezidan Titid se senbòl lit pèp la »
Nou konnen chak fwa yo manyen Prezidan Titid se pèp la yo vle manyen. Se pou tèt sa chak fwa yo vle frape pèp la, yo frape Titid,
Lè yo bezwen toufe vwa pèp la, yo chèche fèmen bouch Titid.
Se pou tèt sa konbat Prezidan Titd se konbat pèp la, Konbat pèp la se konbat Titid. Titid ak pèp la fè yon.
Se pou tèt sa a jodi a nap di :

Bon Fèt Titid
Bon Fèt Prezidan Aristid.

Nan tout batay, gen bite, gen redrese, gen tonbe, gen leve, gen erè, gen koreksyon, gen fè bak, gen vanse:
Men la viktwa toujou nan men pèp kap batay.

Se paske nou konn sa a, nou konnen sakrifis Prezidan Titid fè, chay li pote, doulè li pran pou nou ki fè pèp ayisyen ap mennen batay sa a jodi a. Se paske nou konnen kote nou vle ale e ki moun ki vle ale ak nou ki fè pèp ayisyen ap mennen batay sa a jodi a.

Wi nap batay pou Retou Lidè Fanmi Lavalas. Se yon prensip pou nou nan oganizasyon. Se sa majorite ap mande. Se yon obligasyon pou pouvwa pou li respekte Konstitisyon an

Wi nap batay pou kondisyon lavi pèp la chanje. Espesyalman moun ki anba tant yo. Nou gen yen jodi a plis pase 1.5 milyon moun anba tant sa vle di plis pase 15 % popilasyon an kap viv nan kondisyon kote moun pa ta dwe viv. San nou pa bliye kondisyon lavi yo ki déjà malouk nan peyi a : chomaj, grangou, kesyon voye timoun lekol vinn pi red pou anplis gen yen pwoblem politik.

Wi nap batay pou eleksyon lib, onèt, demokratik, inklisiv setadi ak patisipasyon chak sitwayen kapab reyalize nan peyi a, wi nap batay pou eleksyon antisipe, eleksyon oplivit paske pèp la bouke. Wi nap mennen batay pou Fanmi Lavalas pa deyò sou teren eleksyon an,

Wi nap mennen batay kont pouvwa sa a, kont pouvwa Rene Preval ak tout akolit li yo ki vle mennen peyi a nan labim. Wi nap mennen batay la kont pouvwa despotik Rene Preval kap eseye achte konsyans malere, yon pouvwa koronpi kap depanse lajan leta pou finn detwi enstitisyon peyi a, pou krase asosyasyon ak pati politik, yon pouvwa anti demokratik ki panse se nan koudeta elektoral yo ka jwenn pouvvwa, yon pouvwa san vizyon pou peyi a, ki pa vle estabilite ni lapè pou peyi a vanse.

Fanmi Lavalas pa pre pou livre peyi a nan men piyè ak yon senp pas. Fanmi Lavalas pap pran gòl a men sa a nan men Preval. Fok gen moun ki di non.
Paske Fanmi Lavalas se yon pati òganize ki kwè nan yon demokrasi veritab, li pap kite yo retire l sou teren demokratik la. Fok Fanmi Lavalas prezan a toulè nivo nan jout elektoral sa yo.

Fanmi deside okipe tout espas de lit ki nesesè. Fanmi Lavalas dekrete yon mobilzasyon jeneral sou tout peyi a. Yo pap ka mete pèp la deyò ankò.

Titid, Nap tann ou nan nouvèl Ayiti sa a, Yon Ayiti limyè, Yon Ayiti lanmou, Yon Ayiti fratènite, Yon Ayiti kote tout pitit Desalin jwenn tout sa yo bezwen pou viv nan lanmou, nan lapè, nan bon jan amoni.

Fanmi Lavalas mande nou bat yon gwo bravo pou tout fòs politik, tout lot pati, oganizasyon ki akonpaye nou jodi a.
 

Yon sèl nou fèb,
Ansanm nou fò,
Ansanm, ansanm nou se Lavalas
 

 

 

 

Bòn Fèt Prezidan Titid

15 juillet 2010
 

Le chant des Aïeux
pour
Jean-Bertrand Aristide

 

 

 

Makandal te ti moun toujou
Lè li tap bourike nan chan kann
Pou angrese Lafrans ak richès Dayiti.

Nan bay moulen manje
Ti bra l rantre nan dan moulen an.
O Gran Mèt! Li te pral pèdi lavil,
Men yon nèg vanyan rale manchèt,
Li fè sak pou te fèt.

Makandal chavire vant atè.
Tèt li vire kou yon toupi.
Nanm li voltije al bonbe nan Ginen.

Ti Inosan an rankontre fasafas
ak Lespri Zansèt yo.
Yo bal konesans,
Yo bal lasajès,
Ak lanmou pou pèp la.

Nanm li retounen Lakay.
Makankal repran souf li.
Nan tout savann yo tande vwa:

Libète ou lanmò!
Boukmann, Toussaint, Dessalines
Linyon fè lafòs!
Esklavay kaba!
Viv 1804!

Men depi 1806
Move zèb apatay ap boujonnen
Jis rive 29 fevriye 2004
Pou fè bap piyanp sou peyi Dessalines
Ak retabli yon lòt sistèm esklavay
Yo rele eksklizyon:

Eksklizyon sosyal
Eksklizyon ekonomik
Eksklizyon politik

Koudeta militè
Koudeta elektoral
Yo telman mete la tranblat nan peyi a
Yo telman brase bil peyi a
Yo tèlman fè sak pa sa
jou ki te rive douz janviye demildis la
Peyi D´Ayiti fè yon Kriz MALKADI
Li tonbe san konesans !
Rèl Soufranz pèp la rive jis nan Ginen

Makandal di :
Peyi Dayiti, ou se peyi beni !
Nou beni W ak san nou !
Zansèt yo ekzije RETOU
Pou Eksklizyon kaba!

Nan jounen kenz jiyè demildis sa a
Fanmi lavalas nan non pèp la
voye yon gro bouke flè
Pou ou TITID.
Flè pral pouse nan tout peyi a
Pou swete w « Bon RETOU » Lakay.

Vwa w se souf zansèt yo
Devwa nou se respekte volonte Zansèt yo !

15 Jiyè 2010

Envoyez vos messages au Président Aristide

 

 

Yon sèl randevou: randevou bò tab la   FANMI LAVALAS Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

5 juillet 2010

‘‘Il faut s’engager
dans une dialectique de lutte pacifique
contre l’ordre ancien, la corruption, La Drogue, l’impunité
et faire émerger l’éthique…‘’ 

Préface de J-B Aristide, Investir dans l’humain

Jodi a Fanmi Lavalas pa vle nan pote boure paske kote pou l mennen pèp la, nan nivo pou li leve pèp la, nan sa pou peyi Dayiti gen yen pou li rantre a, se nan yon eta dedwa, nan yon demokrasi veritab. Se pou tèt sa Fanmi Lavalas gen yen pou li goumen pou l montre detèminasyon li jounen jodi a.

Konferans pou laprès 30 jen Prezidan Preval la pa yon sipriz pou Fanmi Lavalas. Prezidan Preval rete egal a li menm nan politik iresponsab : ‘‘Naje pou soti’’ , ‘‘Gade m nan je, map gade w nan je’’ lap mennen peyia.

Jodi a nap klarifye sèten pwen ki soulve nan konferans pou laprès sa.

Sou kesyon endepandans Konsey Elektoral Pwoviswa la, Fanmi Lavalas kwè tout bagay klè jodi a lè tout peyi wè e tande Prezidan Preval pran wòl Prezidan KEP pou defann kredibilite ak endepandans KEP.

Nou vle raple pou lopinyon piblik Fanmi pa janm nan gouvènman sa a paske li nan loposition e donk li pa janm gen reprezantan oswa patisipe nan chwa Konsey Elektoral Pwoviswa.

Sou kesyon esklisyon Fanmi Lavalas, Prezidan Preval rele oto esklizyon, nou ka prouve prèv a lamen, se magouy Pouvwa, KEP la, ak tout yon seri moun ki enfiltre ousnon yo achte pou topiye Fanmi Lavalas, ki monte konplo sa a :

 

19 avril ak 21 jen 2009, yo kenbe FL deyò sou teren eleksyon an. Kouman sa te pase?

· Fanmi anrejistre 3 desanm 2008 nòmalman pyès a lamen. Se lè sa a nou aprann yon seri de moun ki rele tèt yo: « Ekip reskonsab Konsensis Gesyon Pwoviswa Zafè Oganizasyon Fanmi Lavalas », ki pa genyen okenn manda pou sa, ekri Minis jistis epok la Jan Joseph Exime pou di se yo kap dirije pati a.

· Sou kesyon sa a, Minis Exime ekri KEP la de fwa pou avèti yo kijan koze sa yo sipoze regle.

Nan korespondans Minis la voye bay KEP 21 janvye 2009, li ekri :

‘‘ En ce qui concerne les noms des membres habilites à poser des actes au nom d’un parti politique, Le Ministère vous réfère au décret du 30 juillet 1986 sur les partis politiques, notamment en son article 9 ’’.

Minis Exime nan yon dezièm lèt an dat 24 janvye 2009 pou KEP la, di ankò :

‘‘Le Ministère réitère sa position à savoir qu’il ne rentre nullement dans ses attributions de s’immiscer dans les affaires internes d’un Parti politique, que toutes questions y relatives doivent être réglées suivant les statuts du Parti, le décret du 30 juillet 1986 et la Loi électorale’’.

· Kidonk Lwa sou pati politik, Manman lwa Fanmi Lavalas klè sou fason sa dwe fèt. Manm KEP ak tout sa kap komande yo voye jete rekomandasyon Minis Exime e se depi lè yo mete konfizyon plizyè branch Fanmi Lavalas nan lari pou jistifye konplo : Kenbe Fanmi Lavalas deyò sou teren eleksyon an.

· Lè yon pouvwa ak reskonsab enstitisyon pèmèt nenpòt ki moun volè dwa yo pa genyen pou yo prezante kòm dirijan yon pati politik, se sa yo rele anachi, se sa yo rele kraze pati, se sa yo rele koripsyon. Lwa sou pati politik, Manman lwa Fanmi Lavalas, Règleman entèn li, pa pale de branch ki monte brib sou kou.

· Paske Fanmi Lavalas se yon pati òganize e ki kwè nan yon demokrasi veritab, nou te pran chemen lajistis. Lè sa tankou nan tout peyi nòmal, lajistis bann rezon. Lè sa a moun ki ap fonksyone nan logik anachi, moun ki pa vle wè enstitisyon fonksyone selon lalwa nan yon eta dedwa, pran desisyon revoke jig la.

· Eske ou te ka imajine nan peyi tankou la Frans oswa Etazini, moun jwenn otorizasyon nan men KEP pou fè pliziè enskripsyon sou non Fanmi Lavalas san li pat anrejistre pati epitou jwen kòm rekonpans pos Minis ak Konseye.

· Eske ou te ka imajine nan peyi tankou la Frans oswa Etazini, yon enstitisyon ta ka mete l odesu la jistis, odesu konstitisyon ak lalwa peyi ?

· Eske ou te ka imajine nan peyi tankou la Frans oswa Etazini, yon prezidan de la Repiblik ta ka pa fè travay li ki se veye sou bon mach enstitisyon yo e veye aplikasyon lwa ?

· Rezilta : Fanmi Lavalas pa la, mwens pase 3% moun patisipe nan eleksyon, dwa pèp la pou li vote e chwazi moun pou reprezante l bafwe. Kominote entènasyonal vale koulèv la. Nou wè sou ki mòd palman sa debouche.

Menm manèv yo rekomanse nan lejislativ ki te prevwa pou 28 Fevriye 2010. Yap pale de branch Fanmi Lavalas, nebilez Fanmi Lavalas, aloske lalwa, lajistis ak manman lwa oganizasyon di klè ki moun ki gen dwa pran dezisyon nan non Fanmi Lavalas, anrejistre ak enskri moun pou ale nan eleksyon.

· Devan odas ak movèz fwa KEP ak pouvwa a, reprezantan Nasyonal Fanmi Lavalas, Prezidan Doktè Jean-Bertrand Aristid voye yon manda notarye, legalize kote li di : ‘‘An natandan, mwen mandate Dr Maryse Narcisse pou reprezante Fanmi Lavalas devan Konsey Elektoral Pwoviswa a. Li gen pouvwa pou enskri kandida pou pos depite ak senatè Fanmi Lavalas ki pare pou patisipe nan eleksyon lib, onèt e demokratik. Li gen pouvwa pou pale ak Konsey Elektoral Pwoviswa a nan non Fanmi Lavalas an natandan mwen retounen.’’

· Devan magouy KEP ak pouvwa a kontinye fè pou konteste otantisite manda a, 25 Novanm 2009, Prezidan Aristid nan yon entèviou li bay Radyo Solidarite depi Afrik Disid konfime manda. Konsey Elektoral Pwoviswa deside pa kenbe kont de sa yo : Pou tout enstitisyon lib, onèt, kredib, endependan, e ki pa koronpi, Dezisyon ki pou pran tap klè.

Pa respekte lalwa, pase anba pye estati ak règleman yon òganizasyon, fè esklizyon se sa nou rele magouy, koripsyon, vyolans ak non respè dwa yon pèp …Se pwoblèm sa yo Fanmi Lavalas genyen ak KEP la.

Nan Konferans pou laprès 30 jen an, Zòt pale sou kesyon anachi, Zòt pale sou demokrasi, Zòt pale sou ranfòse pati politilik :

· Lè yap monte pati politik ak lajan peyi a pou detwi lòt pati politik : se sa Fanmi Lavalas rele anachi, koripsyon ;

· Pandan plis pase 1 milyon moun ap viv nan kondisyon kote moun pa ta dwe viv, yo pran lajan leta, lajan pèp la pou yo achte palmantè kroupyon pou vote lwa dijans ak prolongasyon manda : se sa Fanmi Lavalas rele anachi, koripsyon ;

· Lè zot fè lespwa tounen desespwa, fè linite tounen yon nilite : se rezilta anachi ak koripsyon.

Se vre nan peyi nòmal, nan gwo peyi yo rele kominote entenasyonal yo tankou LaFrans ak nan peyi Etazini sa pap tap pase konsa, yo pa tap ka volè dwa pèp la konsa paske nan peyi sa yo enstitisyon konn wòl yo, Prezidan de la Repiblik konn wòl li tou.

Pa respekte lalwa, pase anba pye Konstitisyon an, lwa peyi, estati ak règleman yon oganizasyon, fè esklizyon se sa nou rele magouy, koripsyon, vyolans ak non respè dwa yon pèp pou l chwazi moun pou reprezante l e pou dirije l.….. Se pwoblèm sa yo Fanmi Lavalas gen yen ak KEP la.

Jodi a ankò se menm manje gate sa yo ban nou nan konferans 30 jen an. A la diferans fwa sa, rido leve e tout moun ki te kache dèyè l parèt aklè.

Jodi a ankò se yon koudeta kap rapouswiv ak yon eleksyon-seleksyon-esklizyon, KEP ak pouvwa anplas la vle kwoke nan gagann Pèp Ayisyen an.

Fanmi Lavalas ap di anvan 12 janvye e apre 12 janvye pa menm.

Apre 12 janvye se yon tan nouvo ki louvri la, ansyen systèm la kraze. Sa mande yon lòt lidèship, yon lòt mòd relasyon ak entènasyonal.

Moun kap mennen batay pou kenbe Prezidan Aristid deyò peyi a,

Moun kap mennen batay pou Fanmi Lavalas deyò sou teren eleksyon an,

Se menm Moun sa yo ki ensansib ak doulè yon pèp, soufrans 1.5 milyon moun kap viv anba tant

Se menm Moun sa yo ki pa vle lapè ak estabilite nan peyi a,

Se menm Moun sa yo ki toujou kenbe pèp Ayisyen deyò depi 200 zan kifè nanchon anpa jan ka monte sou wout Granmet la trase pou li a Manifestasyon Liberasyon ak Emansipasyon moun sou tout fòm esklavaj ak eksplwatasyon

Se vle yo vle kontinye kenbe pèp la deyò nan dezisyon kap pran pou lavni peyi a.

Fanmi Lavalas vle travay pou mete enstitisyon estab, yon gouvènman fò, lejitim ki ka mennen pèp la nan wotè moman an mande.

Kidonk Fanmi Lavalas nan batay rèd.

Fanmi Lavalas nan batay rèd pou fè respekte dwa majorite a ki fè l konfyans.

Nou pap antre nan okenn batay kap fè ayisyen manje ayisyen. Nou pap antre nan okenn batay pou dekonm.

Nap goumen pou chanjman men nou pa gen yen foli pouvwa. Nou pap lite pou pouvwa pou yon gwoup moun, nap lite pou yon pouvwa pou byen tout moun.

Nou pa ka di se Fanmi Lavalas ki ka fè tout bagay, men pa gen anyen lejitim, dirab ki ka fèt san Fanmi Lavalas.

Nou dwe cheche komprann : ki les , ki sektè ,ki enterè ki vle eskli Fanmi Lavalas? Ki plan , ki pwojè ki kache dèyè konplo sa a?

Ki sa yo bezwen regle ak peyi a, ak nasyon an ki mande fok Fanmi Lavalas pa la poul ka regle?

Se chak sitwayen konsekan nan kelkanswa sektè li soti ki dwe poze tét li kesyon sa yo, epi reponn an pitit Desalin: konsa la jwenn nan ki direksyon poul mache :

Direksyon you gwo konbit nasyonal pou fini ak divizyon, chen manje chen, chire pit san grande, esklizyon, enjistis, trayizon, pandan peyi a ap likide an gwo ak an detay bay tout kalte malfini ki renmen gou kadav.

Fanmi Lavalas pwan randevou pou gran konbit sa a, pandan lap mobilize pou frennen degrengolad la.

Fòk kat la rebat nan limyè nan klate pou nou tout met men ansanm , ansanm pou rebati peyi nou

Fanmi Lavalas ap mande tout fòs andedan tankou deyò peyi a, rasanble pou mobilize.

Fwa sa a, Konplo a pap pase.

Konstitisyon Peyi a rekonèt libète ak dwa tout moun pou fè chwa politik yo. Pa ka gen yen eleksyon lib, onet, demokratik san Fanmi Lavalas.

Nou mande tout manm ak senpatizan Fanmi Lavalas pare pou fè respekte pasifikman dwa nou ak tout detèminasyon e angajman sa mande. Nou tou kase yon premye gwo randevou pou 15 jiyè 2010.

Nap pwofite moman sa a pou nou konvoke reprezantan Fanmi Lavalas nan 10 depatman yo, 140 komin ak 565 seksyon kominal yo.

Fanmi Lavalas ap fè apèl tou ak tout fòs politik, tout lot pati, oganizasyon ki kwè nan demokrasi tout bon vre, ki kwè fason politik fèt an Ayiti dwe chanje, ki pre pou renonse ak ansyen systèm la, pou fè yon Inite Estratejik pou sove Ayiti, pou defann enterè NASYON an ak dwa demokratik majorite a

Le nouveau, le futur, l’avenir d’Haiti appartiennent à ceux/celles-la.

 

Yon lavalasyen se yon patriyot
Yon bon lavalasyen se yon bon patriyot
Lavalas se lynion fe la fos

 

AUTOUR DE L’EXCLUSION
DE L’ORGANISATION FANMI LAVALAS 1

AUTOUR DE L’EXCLUSION
DE L’ORGANISATION FANMI LAVALAS 2

 

 

Yon sèl randevou: randevou bò tab la   FANMI LAVALAS Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

LES FAITS
AUTOUR DE L’EXCLUSION DE FANMI LAVALAS
DES LEGISLATIVES DU 28 FEVRIER 2010.

· Une nouvelle loi électorale en date de Juillet 2008 (Moniteur du Vendredi 25 juillet 2008) est publiée. Le Conseil électoral est remanié.

· Lettre en date du 9 Novembre 2009 du Président du Conseil Electoral Provisoire : Gaillot Dorsinvil adressée au Représentant de l’Organisation Fanmi Lavalas, Dr Jean-Bertrand Aristide. (annexe # 5)

· Par une lettre responsive en date du 18 Novembre 2009, Dr Jean Bertrand Aristide, Représentant National de l’Organisation Fanmi Lavalas, désigne Dr Maryse Narcisse pour représenter l’organisation Fanmi Lavalas par devant le Conseil Electoral Provisoire. (annexe # 6)

· Un délai allant jusqu’au 23 Novembre est accordé à Fanmi Lavalas pour remettre la copie originale du mandat au CEP. Ce qui est fait. (annexe #7)

· Le 24 Novembre, le CEP, dans une conférence de presse, laisse entendre que le mandat serait un faux. Pourquoi donc n’ont-ils pas tout de suite mis en branle la justice pour arrêter les faussaires? Les conseillers électoraux n’avaient en fait aucun doute sur la validité de ce mandat émis par Dr Jean-Bertrand Aristide puisqu’une version en anglais de ce même document avait été remise aux autorités sud-africaines.

· Le 25 Novembre 2009, dans une interview exclusive sur Radio Solidarité, Dr Jean Bertrand Aristide confirme le mandat, le mandataire et le contenu du mandat.

· Fanmi Lavalas est quand même exclu des législatives prévues pour le 28 février 2010.

· Un jour après pour faire suite à une lettre en date du 25 Novembre 2009 de Fanmi Lavalas sollicitant du CEP les raisons de l’exclusion de Fanmi Lavalas, le CEP informe que l’absence d’un mandat authentique en est la cause. Aucune explication détaillée n’a été et n’est pas jusqu'à aujourd’hui fournie sur ce que le CEP entend par mandat authentique.

AUTOUR DE L’EXCLUSION
DE L’ORGANISATION FANMI LAVALAS 1

Mise au point de Fanmi Lavalas Juillet 2010

 

 

 

 

Yon sèl randevou: randevou bò tab la   FANMI LAVALAS Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

LES FAITS
AUTOUR DE L’EXCLUSION
DE L’ORGANISATION FANMI LAVALAS
DES SENATORIALES DU 19 AVRIL et DU 21 JUIN 2009

 

· L’Organisation Politique Fanmi Lavalas est dûment enregistrée au Ministère de la Justice depuis le 30 Octobre 1996, reconnue le 14 février 1997 et a pour Représentant National le Président Jean-Bertrand Aristide. (annexe #1)

· Suite à l’arrêté du 11 décembre 2007 nommant les membres du Conseil Electoral Provisoire, le Comité Exécutif de Fanmi Lavalas s’est fait le devoir d’adresser une lettre signée par les membres du Comité Exécutif à chacun des membres du Conseil pour les informer de la composition de la nouvelle direction de l’organisation. Une visite de courtoisie de l’organisation a également été faite au Président et au vice-président du CEP le 25 novembre 2008.

· Le 3 Décembre 2008, le comité exécutif de Fanmi Lavalas accompagné de ses avocats-conseillers et de membres de l’Organisation, a enregistrée l’Organisation Politique Fanmi Lavalas pour participer aux sénatoriales d’avril 2009.

· Une copie datée du 3 décembre 2008, de la fiche d’enregistrement de Fanmi Lavalas, au № 016, signée par un représentant du CEP et par le Dr Maryse Narcisse porte-parole du Représentant National et Coordonatrice du Comite Exécutif est remise aux responsables venus enregistrer le Parti. (annexe # 2)

· Fanmi Lavalas figure en troisième position sur la liste des organisations habilitées à participer aux sénatoriales d’Avril 2009 qui a été publiée sur le Nouvelliste du  6 janvier 2009 prouvant qu’il n’y avait aucune contestation de l’enregistrement de Fanmi Lavalas.

· Le vendredi 23 janvier 2009, les 12 candidats mandatés par Fanmi Lavalas pour représenter l’organisation aux sénatoriales d’avril 2009, se sont présentés à leur bureau électoral départemental respectif (BED) pour faire leurs dépôts de candidature

· Ce n’est qu’à la fermeture des dépôts de candidature aux sénatoriales d’avril 2009, que Fanmi Lavalas apprend via une publication du CEP qu’il y a eu plus qu’un candidat sur la bannière de Fanmi Lavalas a s’inscrire pour le même poste. La confusion était crée ainsi au niveau de l’opinion publique.

· La question de division (branches) au sein de Fanmi Lavalas est amplifiée par le CEP à travers la presse qui fait l’écho de cette campagne ayant pour cible l’organisation Fanmi Lavalas. Le CEP s’instaure en institution chargée de gérer a l’interne les organisations, faisant fi de la loi électorale, de la Constitution et des lois en vigueur en matière électorale.

· Fanmi Lavalas prend connaissance d’une lettre du Ministre de la Justice Jean Joseph Exume datée du 21 janvier 2009 en réponse a une correspondance signée de : Yves Cristallin, Yvon Neptume, Lesly Beausejour, Ineda Jean-Baptiste, Elitane Atelus, en date du 22 decembre 2008 après la fermeture de l’enregistrement des partis. Cette lettre annonce la prise en charge du parti par une équipe de Consensus responsable de la Gestion Provisoire des Affaires de l’organisation Fanmi Lavalas, ceci à l’insu du représentant National élu de l’Organisation. (annexe # 3)

· En même temps, des parlementaires élus sous la bannière d’UNION pour HAITI dont l’actuel sénateur Yvon Bisserette se déclarent être les dirigeants de Fanmi Lavalas.

· Un mandat signé par le Président Aristide est remis au CEP, mandat qui est refusé par le CEP. (annexe # 4)

· 72 heures sont accordées à l’Organisation Fanmi Lavalas pour sortir une liste unique avec les sénateurs imposteurs. Des conseillers du CEP proposent au Dr Narcisse d’apposer sa signature sur la liste de candidats présentés par les sénateurs imposteurs.

· Devant le refus de Fanmi Lavalas de se soumettre à cette mascarade, Fanmi Lavalas est exclu des sénatoriales d’Avril 2009.

· Fanmi Lavalas fait appel à la justice et une décision de justice est rendue en sa faveur. Le juge Douyon qui a rendu la décision de justice est révoqué par le pouvoir en place. Le CEP refuse d’appliquer la décision de justice.

Pour l’édification de tous :

· Fanmi Lavalas affirme n’avoir à aucun moment été avisé par le CEP d’un quelconque problème relatif à l’enregistrement de l’organisation.

· Seul le CEP a pu permettre à Yves Cristallin de signer des mandats d’inscription alors que la loi électorale sur ce point dit clairement que seul le signataire à l’enregistrement du parti est habilité à signer les mandats d’inscription des candidats. Ces complices du CEP et du Pouvoir en place ont été récompensés plus tard avec des postes de ministre ou de conseiller au Cabinet du Président.

· Alors que nul n’est au dessus de la loi, Le Conseil Electoral Provisoire a refusé d’obtempérer à la décision de justice rendue en faveur de Fanmi Lavalas, de même que le Président Preval qui d’après l’article 136 de la Constitution doit veiller à la bonne marche des institutions et à l’application des décisions de justice.

· Les droits fondamentaux d’une grande majorité de la population ont été violés.

Contrairement aux règlements généraux du CEP du 18 janvier 2008, Les membres du CEP de Frantz Verret ont agi en dehors de leurs attributions en ne respectant pas la loi électorale et la Constitution du Pays et n’ont pas su garder l’impartialité requise par leur poste par rapport au Pouvoir.

AUTOUR DE L’EXCLUSION
DE L’ORGANISATION FANMI LAVALAS 2

Mise au point de Fanmi Lavalas Juillet 2010

 

 

 

 

 

Yon sèl randevou: randevou bò tab la   FANMI LAVALAS Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

Conférence de Presse

juin 2010

 

Map salye lavalaseman pèp ayisyen, manm Fanmi Lavalas ki la yo e sa ki pa la yo, manm laprès ki prezan jodi a, e tout zanmi peyi Dayiti.

Anvan nou komanse, Fanmi Lavalas ap redi : li chwazi pou li ale nan direksyon lenouvo. Li kite ansyen an deyè. Sa mande anpil sajès, senserite, klèvoyans, abnegasyon, espwi renonsman.

Lè nap konsidere sitirasyon konfizyon ki tabli nan peyi a, mwen vin la jodi a pou m di aklè pozisyon Fanmi Lavalas 

Depi anvan 12 janvye e apre 12 janvye pouvwa te konstwi sou esklisyon sosyal, sa ba nou

·        demonstrasyon grangou avril 2008 yo,
·        seleksyon 19 avril ak 21 jen 2009 yo,
·        esklisyon pati politik nan dènye eleksyon yo, 
·        san nou pa bliye politik afeblisman leta  ak yon latriye komisyon prezidansyel. 

 

Rezilta politik destabilizasyon Prezidan Preval jodi a se :

·        plis 1.5 milyon moun anba tant nan 1200 sit,
·        se yon pouvwa ki kontinye ap boule limyè wouj Konstitisyon an ak lwa dijans, lwa pwolongasyon manda,
·        se yon komisyon enterimè ak reprezantan enstitisyon etatik zonbi,
·        se pa yon pwojè rekonstriksyon,  se yon politik goumen pou dekonm. 

 Fanmi Lavalas ap konstate Prezidan Preval nan volan yon kamyonèt ki chavire 4 wou anlè.

Nan sitirasyon peyi a ye jodi a, Fanmi Lavalas deklare li pa nòmal pou yon pouvwa ki pwale, ki echwe ni nan premye mitan, ni nan dezyèm mitan mande pwolongasyon pou pran angajman pou lavni peyi a.

Se pou tèt sa, Fanmi Lavalas ap mande eleksyon antisipe, sètadi pi bonè e prese, prese. Pèp ayisyen ap tann yon jès patriyotik tout sektè yo pou eleksyon jeneral nan peyi an fèt pi bonè. Konble vid enstitisyonèl la ki la jounen jodi a se youn nan priyorite ijans lan. Rekonstriksyon ak tabli enstitisyon lejitim se 50 kòb ak 2 gouden. 

Wi, Fanmi Lavalas ap mande eleksyon antisipe, rapid ak yon KEP endepandan, onèt e transparan pou gen yon lòt gouvenman fò, lejitim ki sòti nan eleksyon lib, onèt, demokratik, enklisif e ak anpil patisipasyon.

Fanmi Lavalas kwè sèl yon gouvènman lejitim ki soti nan bon jan eleksyon ka mennen peyi a sou chemen estabilite pou nou rekonstwi peyi a tout bon vre ak pèp la e pou pèp la, pou sove Ayiti.

--  Pou garanti bon fondasyon nan konstriksyon peyi Dayiti, fòk eleksyon yo fè apel a tout ayisyen. Se sa nou rele enklizyon ak patisipasyon laj.

Fanmi Lavalas mande Enklizyon : Enklizyon Fanmi Lavalas ak tout lòt pati ki te eskli nan pwosesis elektoral la depi kounyè a.

--  Li klè tou pou kèlkeswa moun lan, koudeta 29 fevriye se yon enjistis pou pèp ayisyen e li merite koreksyon imedyat. Fanmi Lavalas mande Respè Konstitisyon peyi a nan Retou Doktè Jean-Bertrand Aristide, se sa majorite a ap mande.  Peyi a bezwen patisipasyon tout pitit li yo pou li konstwi nouvo Ayiti.

Fanmi Lavalas ap fè apèl ak entelijans ak sajès klas politik la pou tout moun respekte règ jwèt la. Yon lòt fwa ankò, Fanmi Lavalas ap lonje bra l bay tout pati politik ki konprann jwèt makyavelik kap fèt la, pou mete soukote tout ogèy, tout rankin, pou n kite lespri patriyotik triyonfe pou n rive ansanm ansanm, nan respè youn pou lòt, kwape move lespri esklizyon kap depafini rèv jistis sosyal Zansèt nou yo te gen pou nou.

Kominote Entenasyonal la

Fanmi Lavalas ap pwofite fè yon pale ak Kominote Entènasyonal pou di l fason rekonstriksyon peyi a demare a pap bay rezilta.  Rekonstriksyon pa ka fèt ak yon pouvwa ki pèdi tout lejitimite, kap benyen nan koripsyon ( se pa nou ki di l se Kominote entènasyonal li menm ki di l).  

Kominote entènasyonal pap kapab jwenn okenn solisyon nan problematik sitirasyon Ayiti poze jounen jodi a si yap kontinye patisipe nan afebli, bloke kapasite nou kòm aktè prensipal nan sa ki gen pou fèt yo.

Fòk jounen jodi a kominote entènasyonal la konprann sa kap jwe nan Ayiti jodi a se doulè tranche akouchman yon mond nouvo, sa kap fèt an Ayiti jodi a ap defini sa lemond ap ye demen.

Pèp la di jodi a li pa nan naje pou l soti ankò, se li ki anba tant, se li move tan ap frape. Se li ki viktim ayè, se li ki viktim jodi a e li pa ka ap pare kabann pou li viktim ankò demen. An verite anyen serye poko fèt pou sa pa rive :

·        si nou pran yon lòt tranbleman dtè, nap genyen otan viktim si se pa plis
·        Sezon siklonik lan rive sou nou e nou toujou pa pare

Sa pèp la vle se lapè, estabilite pou peyi a vanse e pou yo ka soti nan move sitirasyon yo ye jodi a

Fanmi Lavalas envite kominote entènasyonal la pou li pran yon lòt direksyon, direksyon renouvo a pou yon lòt Ayiti ak moun ki se moun tout bon vre a.

Pou m fini map pale ak manm, senpatizan Fanmi Lavalas sou tout peyi a :

Fanmi Lavalas konstate Ayiti anba yon lòt koudeta elektoral ankò. Se menm taktik pouvwa a ak KEP an te itilize an 2009 kap rekómanse. Anpil konfizyon nan lespri nou :

·        Nou kómanse tande pale kesyon branch nan Fanmi Lavalas,
·        Nou tande moun kap defini estrateji pou Fanmi Lavalas men san Fanmi Lavalas,
·        Manèv pou sal Fanmi Lavalas: tankou ekip volè pwofesyonèl, anti manifestasyon, pèp ki monte.
·        Nou tande rimè kap sikile nan mitan nou ki di Fanmi Lavalas ap deyò ankò.

Fanmi Lavalas kè poze, paske nou menm pèp la, nou klè, nou veyatif e nap vijilan pou anpeche move zangui pran woulib sou do nou.  Diyite n oblije n ouvè je n pou n evite pi ta pi tris.

Nap pwofite okazyon konferans pou laprès pou nou di Fanmi Lavalas pre pou l patisipe nan eleksyon lib, onèt, demokratik, enklizif  a toulè nivo. Nap redi ankò : Retou, Enklizyon antisipe, Eleksyon antisipe pou nou kanpe enstitisyon djanm, lejitim prese, prese, pou mete nou alawotè defi ki devan nou jounen jodi a kòm peyi, kòm pèp, e kòm moun.

Pou nou jwenn sa nap cheche, Fanmi Lavalas ap di fòk nou rete veyatif, mobilize pasifikman sou tout fòm pou yo pa fè n vale koulèv likidasyon peyi a, lwa dijans, pwolongasyon, ak seleksyon.

 

Sonje si n pa sove diyite n, diyite n ap sove kite n.

 

 

 

Yon sèl randevou: randevou bò tab la   FANMI LAVALAS    Bwat Postal : 15603 Petyon-Vil, Ayiti Email: fanmilavalas@yahoo.com Telefòn: 38 46 75 11/ 39 10 62 74

28 Avril 2010

DEKLARASYON FANMI LAVALAS

 Fanmi Lavalas salye kouraj popilasyon an nan moman difisil lap viv jodi a. Gen tan gen plis pase twa mwa depi Tranbleman de Tè a foure men l nan zantray latè Peyi  Dayti pou simen lanmò, ak dezolasyon.

Katastrof 12 janvye a se yon abse sou klou-tribilasyon yon Peyi, se yon seyis ki vin ajoute sou latriye seyis politik ki deja pase sou Latè Peyi Dayti Toma.

Depi seyis politik ki tanmen an ak zak ansasinay Fondatè Nasyon an, Papa Desalin 17 oktob 1806, anpasan pa seyis politik 30 septanm 1991 lan, pou bout ak seyis 29 fevriye 2004 la. Pèp Aysyen se maswife lap monte, pandan lap kontinye reziste, li pa deside mouri, li pa deside bat ba.

Seyis esklizyon politik ak sosyal plizye syèk sa a,  tèrib menm jan ak seyis 12 janvye ki sòt pase la a.

Si 500 zan eksklizyon ou apatay te rapòte Ayiti,
Jodia, nou pa ta toujou ap mare lafimen kriz,

Fas ak yon Leta san gouvènay, ki kite Peyi a anba dekonb, 3 mwa apre tè a fin tranble 12 janvye a;

Fas ak yon Leta ki lage plis pase yon milyon senk san mil moun nan lari debwa balanse, ki kite jèn fanm ak jèn gason tankou granmoun livre diyite yo sou plas piblik anba mòso twal ak pikèt bwa,; pandan maladi ap vale teren nan mitan popilasyon sinistre a, nan bwè move dlo, nan viv nan move kondisyon. Aloske, poko gen sevis pou santèn milye viktim fizik ak mantal yo,

"Pèp la blese nan diyite l.
Kouto trayizon an pike li fon, fon.
Sant eksklizyon an ap dekonpoze l.

Fanmi Lavalas ap di :
Moun gen diyite e diyite egzije libète."

Fas ak yon Leta ki pa pran ankenn mezi pou pèmèt pi fò lekòl relouvri pòt yo pou retire jèn gason ak jèn fi nan lari a, pou pa ankouraje plis delenkans, plis mizè moral.

Fanmi Lavalas ap di :
Moun gen diyite e diyite egzije libète.

Pandan pouvwa a ap fonse san gad dèyè poul sèvi kont pèp la ak yon lwa dijans, poul kontinye fè plizyè milyon dola, kap brase sou do Pèp ayisyen an, pandan yap kontinye fè kob sou do l, tankou lajan Petrokaribe a ki fè fon nan pòch raketè ki anndan pouvwa a….

Fas ak pouvwa san diyite sa a ki ap mennen rekonstriksyon peyi a nan fòs kote, ak esklisyon  sa ki pral kontinye plonje Pèp la nan lòt seyis politik ki pi grav,

Fas ak pouvwa san lidèchip sa a, san moralite, san wont nan je, ki pito ap pare l pou l fè dappiyanp nèt al kole sou pouvwa a. nan mete moun li lè manda Pèp la te bal la bout 7 fevriye 2011.

Gade nan ki eta Peyi nou an trouve l
Nan respè ak diyite, fòk gen moun saj ki di non !
Pou sove diyite Ayiti, fòk gen moun saj ki di non !
Pou pi ta pa vin pi tris, fòk gen moun saj ki di non !
Pou diyite n pa sove kite n, fòk gen saj ki di non !

Se pou sa nou menm nan Fanmi Lavalas nap ekzije :

Pou Prezidan Preval sispann mannigèt nan anpeche Prezidan Aristide jwenn yon lesepase oswa paspò diplomatik ki ta ka pèmèt li tounen nan peyi l. Paske, Retou Prezidan Aristid se yon prensip pou òganizasyon an, Pèp la li menm, li di : ‘Retou Prezidan Aristide, se Retou a la vi’.

Enklizyon antisipe Fanmi Lavalas ak tout lòt pati politik ki te eskli nan pwosesis elektoral la depi jodi-a.  Enklizyon ap pèmèt patisipasyon Majorite an nan eleksyon jeneral, lib, onèt e demokratik an Novanm 2010 jan Manman Lwa Peyi a mande l, pou pèmèt patisipasyon Majorite an nan rekonstriksyon peyi a

Ranvwa Konsey Elektoral pwovizwa sa a ki montre aklè li se yon enstitisyon paspouki e donk li pa ka òganize eleksyon lib, onèt e demokratik

Fanmi Lavalas ankouraje anpil solidarite ant nou menm ayisien, ayisyèn pou frè n ak sè n kap viv nan move kondisyon nan kan yo. Manifeste sa nou ye kòm moun.

Fanmi Lavalas ap pwofite tou lonje bra l bay tout pati politik ki konprann jwèt makyavelik kap fèt la, pou mete dekote tout ogey, tout rankin, pou n kite lespri patriyotik triyonfe pou n rive ansanm ansanm, nan respè youn pou lot, kwape move lespri esklizyon kap depafini rèv jistis sosyal Zansèt nou yo te gen pou nou.

Lè pafen diyite tonbe nan boutèy libète, li poze.
Lè l tonbe nan boutèy eksklizyon, li eksploze.
Si n pa sove diyite n, diyite n ap sove kite n.
Pou nou anpeche Diyite n sove kite n nan ane 2010 sa a :
Se ak vitès moblizasyon nou te debouche sou 16 desanm 1990 la.
An 2010, se menm vitès sa kap  anpeche  somèy  poten ale,
Donk, fòn pase vitès mobilizasyon  an pou soti  nan eksklizyon an
E leve flanbo diyite a lakay kòm aletranje chak jou pi wo.

 

Ce Site est géré par l´Organisation Politique Fanmi Lavalas!
Yon sèl nou fèb, ansanm nou fò, ansanm ansanm nou se LAVALAS