Février 2005

We Will Not Forget
haitiaction.net

RÈGLEMAN FANMI LAVALAS

Lè youn nan nou gen lafyèv,

Kò fanmi an cho.

Se pou sa nou deklare:

1. Konpòtman yon manm Fanmi an konsène tout Fanmi an.
2. Dyalog nan respè youn pou lòt, se yon gwo zam pou pwoteje egzistans Fanmi an

3.     Koreksyon fratrènel ak sanksyon koreksyonèl, se bon medikaman pou kenbe sante Fanmi an anfòm.

4. Pèsonn pa gen dwa sal repitasyon Fanmi an ou yon manm Fanmi an: rad sal lave an fanmi.
5. Fanmi an pa gen dwa sitire pèsonn mache nan move zafè.
6. Yon kowòdnasyon seksyon kominal, kominal, depatmantal, nasyonal, gen obligasyon fè koreksyon fratènel e pran sanksyon koreksyonèl chak fwa li nesesè.
7. Lè konduit youn nan nou ka avili tout Fanmi an,  fok ka a trete san pèdi tan.
8. Moun kap sal repitasyon Fanmi an oblije chanje konpòtman. Sinon, fok li jwenn sanksyon ou ekspilsyon.
9. Yon ekspilsyon ka dire pou yon bout tan ou pou tout tan, selon gravite ka-a.

10.          Sanksyon yo varye selon gravite ka a:

-          Yon lèt eskiz pou Fanmi an.

-     Peye yon amann

-     Pèdi dwa patisipe nan rankont enpòtan

-          Pèdi posibilite al nan eleksyon kòm manm Fanmi an

11. Moun ki pa vle pote kole nan operasyon plante Ti Fanmi, kanpe kowòdinasyon, patisipe nan alfa ekonomk pa merite jwenn viza Fanm an pou al nan eleksyon.
12. Pèsonn pa gen dwa fè tèt li pase kòm kandida Fanmi an san yon otorizasyon ofisyèl.
13. Twa mwa anvan demaray kanpay elektoral, fòk nou mezire fòs moralite ak fòs popilarite chak kandida ki ta vle vin kandida ofisyèl Fanmi an
14. Apre yon eleksyon primè, kandida ki pa jwenn viza ofisyèl Fanm an pa gen dwa deside al nan eleksyon kòm endepandan.
15. Chak kandida ofisyèl Fanmi an dwe pote yon kotizasyon pèsonèl nan kanpay elektoral la.
16. Fòk gen sanksyon sevè kont tout manm Fanmi an ki ta kite foli pouvwa fè l  tonbe pèsekite Fanm an.
17. Kotizasyon pou kanpay Alfa a obligatwa pou tout manm Fanmi an ki pa nan chomaj.
18. Chak ti Fanmi dwe veye pou tout manm Ti Fanmi an konn li, ekri e patisipe nan alfo ekonomik.
19. Ti Fanmi yo ou Kowòdinasyon yo dwe reyini o mwen yon fwa chak mwa.
20. Chak manm Fanmi an oblije gen Konstitisyon an e travay pou Konstitisyon an mache toupatou.

Règleman sa yo se bon angrè pou nouri ni rasin Fanm an, ni rasin Fanmi ayisyen an paske:

Yon lavalasyen se yon Patriyòt.

Yon bon lavalasyen se yon bon Patriyòt.

Lavalas se Linyon fè la Fòs.

16 Desanm 2003/ dezièm Kongrè Fanmi Lavalas